上山下海俱樂部 :: 觀看文章 - 去邊間做健身好？

上山下海俱樂部 :: 觀看文章 - 去邊間做健身好？: "在選擇gym時

在選擇gym時 第1，最緊要係問自己「想要咩效果？」 有d地方收費平d，但係繁忙時間多人到爆 自己可能一星期只有2-3日去做運動，每次唔多過2個鐘 點知去到一間係平啦，但係次次要等locker、等機、冇位上classes的話 結果會令自己無心機做 一開始入會、月費幾平都冇用。 平得來用唔著就係「平買貴用」 要試一間gym合唔合心水 最好係自己會做運動的時間去參觀 睇下會唔會太多人。 如果要試玩，就要試自己想試的東西，不要人地叫你試咩就試咩

第2，在參觀前要清楚自己budget同埋要求 (自己的needs) budget由中下價大約$200/monthly到中上價$800/monthly 自己希望的commitment有幾長？ 做運動唔係一時3刻有效果 但係stick同一間做運動太長時間又唔flexible 所以contract 1年起2年止就ok 其他設置方面，問一問自己：「我來fitness center為了什麼？」 為攀石？為打拳？為美容？打golf？哂太陽？ 有一些其實可能一年都唔會用一次，而且大把alternatives 如果用不著，那把自己的集中力回到有關的東西吧…

第3，問清楚有關收費，包括入會費、行政費/手續費、月費 是否一筆過付款？ 第一次payment一共多少？ 還是每月過數/扣數？ 如果中途要出差/離開香港，而又未fulfill contract commitment時 可否暫停會藉？手續費/收費如何？ contract期過後，會藉會否自動終止？還是open-ended(好似手提的plan，不會自動終止)？ contract過後月費會否自動回復原價？ 要terminate(終止會藉)有何手續？

第4，不要盡信人言，應以白紙黑字為準 「會藉顧問」(即係會藉sales)雖然有training，但是難保一部份為求commission佣金的人會over-promising，所以如果覺得個會藉顧問講野有d順口開河，例如在contract期內終止會藉or取消過數戶口不用罰款等(睇落冇道理的…)，要求他寫在contract上，或者要求他上司來簡單說說。

第5，不要心大心細 揀o岩自己的健身中心，又付合budget，不妨join會 如果心大心細，又想去多幾間睇，結果可能會join左一間「好似」平d、好d但係其實唔係你心目中最prefer的一間，結果回到「第1」的後果，因為唔就腳、唔o岩用，但係又比contract縛住，結果平買貴用。 或者比藉口自己 「都係諗下先…」「下個月先開始…」 結果，閣下的運動大計就越推越遲